Петта приватна гимназија

Официјален веб сајт

Следејќи го развојот на интелектуалната мисла, ова епоха ќе остане запаметена во историјата на човековата еволуција бидејќи дава резултати базирани на вистински научни и хумани вредности. Училиштето е место каде таа мисла се раѓа и ја доживува својата креативна и создавачка природа. По петгодишното постоење на нашиот Прв Приватен Универзитет ФОН се наметна потребата да се интегрираме во сферата на средното образование, нудејќи поинаков пристап и нов концепт на сега веќе задолжителното средно образование, кој ќе биде прифатлив за сите.

Трагајќи по желбата да се побудат и реализираат вистинските вредности кај младиот човек во 2006 година ја основавме „Петта Приватна гимназија“ - место кое се разликува од другите по многу нешта. Место кое во себе ги интегрира позитивните искуства од останатите приватни и јавни средни училишта, но со воспоставување отворен, ефикасен и рамноправен пристап на сите, почитувајќи го индивидуалниот развој на личноста. Училиште кое го прати развојот на демократијата, потребите на стопанството, локалните и глобалните промени.

Затоа, инвестирајте во своето знаење, придружете ни се и станете дел од нас, бидејќи имаме заедничка цел - изградување на младиот човек во личност кој ќе има своја животна визија.